Drita 90 minuta larg titullit

Në javën e 32-të, të parafundit të Superligës së Kosovës në futboll në mes Dritës e Drenicës nga Skenderaj, në stadiumin e qytetit në Gjilan u tregua futboll i dobët. Skuadra e Dritës në këtë ballafaqim kërkonte tri pikë për të shpresuar se do të stoliset me titull të kampionit, por me lojën e treguar sot as për së afërmi nuk ishte ajo skuadër që jemi mësuar ta shohim në këtë kampionat.

Në pjesën e parë “bardhekaltërtit” e Dritës, rastin më të mirë e kishin në minutën e 40-të, Izair Emini godet bukur por nga vija e fundit e dëbon mbrojtësi Shkelzen Lushtaku.

Në fillim të pjesës së dytë në minutën e 48-të, pas një kundërsulmi të shpejt Xhevdet Shabani, arrinë më në fund ta gjen rrjetën e portierit të Drenicës Arion Ymerit, i cili njëherit ishte edhe goli i vetëm në këtë ballafaqim monoton.

Në minutën e 53, 54 e 74, Shillova, portjeri Ymeri e Mëziu i mysafireve braktisin ndeshjen pas lëndimeve të cilat i kishin.

Rastin më të mirë të ndeshjes e kishte Betim Haxhimusa në minutën e 87-të, i pa penguar nuk arrin nga afërsia ta mposht portierin mysafir Mikel Kaloshin godet pingulen e tij të majtë.

Trajneri i Dritës, Ardian Nuhiu, pas 90 minutave ka deklaruar.
“Krijuam raste, por nuk e kishim freskinë, kjo freski sot na mungoi me të madhe me rëndësi kemi marrë tri pikë të mëdha dhe ndeshjen e kishim nën kontroll”.

Ndërsa trajneri i Drenicës, Fadil Rama, është shprehur në fund të takimit.
“E kemi ditur se Drita do ti qaset kësaj ndeshje për fitore, tentuam me mbrojtje të fort e me kundërsulme ta rrezikonim kundërshtarin por nuk ja dolëm”.

Skuadra mysafirë në këtë ndeshje i kanë munguar dy futbollist të prekur nga pandemia COVID-19, Azem Bejta e Hysen Tahiri.

Në ndeshjen e javës së fundit Drita udhëton në derbin e stinorit në Suharek për tu ballafaquar me Ballkanin./rajonipress/