Interesimet nga Tottenhami dhe Lazio për Muriqin, vjen vendimi nga Fenerbahçe

Vedat Muriqi është futbollisti që pritet t’i ndajë rrugët me Fenerbahçen në afatin kalimtar veror.

Sulmuesi shqiptar ishte në qendër të vëmendjes së shumë klubeve evropiane gjatë gjithë këtij edicioni, shkruan Zëri.info.

Klubi turk pritet të marrë shumë oferta për sulmuesin 25-vjeçar në afatin kalimtar veror.

Sipas ‘FOTOMAC’, Fenerbahçe nuk do ta pranojë asnjë ofertë nën vlerën e 20 milionë eurove për sulmuesin nga Kosova.

Nga ana tjetër, menaxheri i Muriqit, Haluk Canatar ka thënë se destinacioni i preferuar i Muriqit është Italia.

Lazio, klubi romak, mund të jetë skuadra ku Muriqi mund ta vazhdojë karrierën.

Nëse edicioni anulohet në Serie A dhe romakët kualifikohen në Ligën e Kampionëve, atëherë ata mund të paguajnë 25 milionë euro për Muriqin.

Por, sipas ‘Fanatik’ edhe gjiganti londinez, Tottenham, ende është i interesuar seriozisht për Muriqin.

Pasi Harry Kane mund të largohet këtë verë, Muriqi shihet zëvendësuesi ideal i sulmuesit anglez te skuadra e Jose Mourinhos./Zëri.info