Drita mposhtet në derbi në Suharekë

Lideri Ballkani në derbin e javës së 21-të, ka arritur ta mposhtë Dritën me rezultat 2-0.

Në minutën e 16-të, mbrojtësi i majtë, Liridon Leci godet shtyllën e portierit të Ballkanit, Ruxhit.

Sulmuesi i Ballkanit, Blend Baftiu në minutën e 21-të, godet horizontalen e portierit Faton Malokut.

Futbollistët e Ballkanit edhe një herë në minutën e 57-të, nëpërmjet Arbër Hoxhës godet shtyllën e Malokut.

Rastin më të mirë për të kaluar në epërsi skuadra e Ballkanit e kishte kur Artur Magani e Blendi Baftiu kishin rast ideal për gol, por portieri Maloku
në dy rastet shpëton gol të sigurt.

Në minutën e 65-të, Blend Baftiu gjuan bukur por shtylla pingule përsëri i’a mohon golin.

Në minutën e 75-të, vendësit zhbllokojnë rezultatin, Blend Baftiu nga afërsia mposht Faton Malokun duke sjell gëzim të madh në stadiumin në Suharekë.

Skuadra e Ballkanit këtë ndeshje e vulos me një eurogol nga Edvin Kuq në minutën e 82-të, i cili gjenë rrjetën nga 20 metra, në këndin e epërm të Faton Malokut.

Pas ndeshjes trajneri i Dritës, Ardian Nuhiu ka deklaruar.

“Bëmë gabime dhe kundërshtari na dënoi, por ka ende për tu luajtur gjerë në fund, do të përballemi me skuadrat e mëdha në rrethin e tretë dhe aty do të shohim pozicionin tonë se ku mundemi të jemi”./rajonipress/