Challandes nga Çekia: Jemi këtu për ta ndjekur ëndrrën, për Muriqin ka zgjidhje, por unë besoj te grupi

Përzgjedhësi i Kosovës, Bernard Challandes, ka folur në konferencë për shtyp para ndeshjes me Çekinë.

Challandes nuk foli shumë për formacionin dhe zëvendësimin e Vedat Muriqit të lënduar, edhe pse kishte disa pyetje në këtë drejtim.

Sipas tij ai nuk pret nga individët, por nga grupi dhe se e ka menduar formacionin.

“Muriqi? Jemi gati e qartë, nëse nuk do të ishim gati do të rrinim në Prishtinë. Muriqi është një problem. Do të gjejmë zgjedhje, nuk kemi një Muriqi tjerët, e as të ngjashëm. Jemi ekip. Në këto situata unë pres një përgjigje nga një lojtarë por nga ekipi”.

“Fitorja e Çekisë ndaj Anglisë a ua vështirësoi gjërat? Nuk mund të them që isha i befasuar nga fitorja e Çekisë ndaj Anglisë. E di që Çekia është shumë e fortë. Anglia e qartë që është më e forta. Për mua nuk ishte befasi”.

“Tani është më e vështirë për ne. Ne e dinim që nga fillimi që grupi do të jetë shumë i vështirë”.

“Zëvendësimi i Muriqit dhe skema e lojës? Është puna ime të vendos, por është edhe puna ime të mos flas për formacionin në konferencë. Sylavhi nuk më ka treguar kush luan në vend të Schick e as unë nuk tregoj”.

“Nuk flas as për sistemin edhe pse i kam menduar të gjitha. Mund të them se në këtë ndeshje, nuk do të jetë sistemi dhe mënyra se si luajmë, ajo që do të vendos”.

Challandes nuk pranoi që t’i komentojë deklarata e taborit çek, duke thënë se në fillim e ka ditur që grupi është i vështirë.

“Nuk është puna ime që t’i komentoj deklaratat e çekëve. Ne e dimë saktë kush jemi dhe e dimë kush është Çekia. E kemi ditur që në tërheqje të shortit. E dinim që Anglia është e para, pastaj Çekia, Bullgaria e treta, Mali i Zi i katërti, pastaj ne”.

“Tani jemi këtu ta luajmë këtë ndeshje të rëndësishme. Unë mendoj se ne duhet ta marrim kënaqësi nga kjo ndeshje. Është e mrekullishme për ne qe kemi ardhur deri këtu në këtë ndeshje dhe mund të vazhdojmë të mendojmë për kualifikimin”, ka thënë Challandes.

Në pyetjen se a pret që të ndërtohet një shtatore në Prishtinë për rezultatin që i ka arritur me Kosovën, ai tha se shpreson në një gjë të tillë. /Telegrafi/