Drita bën një hap mbrapa në “Xhemjal Ibishi” me Flamurtarin

Futbollistët e Dritës në javën e 13-të, kanë bërë një hap mbrapa drejt kreut të tabelës pasi që janë mposhtur në stadiumin “Xhemajl Ibishi” në kryeqytet nga Flamurtari me rezultat 1-0.

Për befasi skuadra e Flamurtarit pas dy muajsh shënon fitore të plot në Superligën e Kosovës, por futbollistët e Dritës sot patën një paraqitje të dobët duke qenë shumë të ngatht drejt portës së portierit të Flamurtarit, Ardit Nika.

Në fillim futbollistët e Dritës e nisën mjaft mirë ndeshjën në minutën e 2-të, Vucaj godet shtyllën e Nikës.

Rast shënimi të mirë kishte Xhevdet Shabani në minutën e 14-të, i vetmuar gjuan dobët në portën e Nikës.

Mesfushori Hamdi Namazi në minutën e 43-të, shkund shtyllën e Nikës së Flamurtarit.

“Kuqezinjët” e Flamurtarit rast të mirë shënimi kishin në minutën e 72-të, Stullqaku me kokë gjuan por mbrojtësi Liridon Leci largon topin nga vija fatale e portës së tij.

Tre minuta më vonë në minutën e 75-të, Stullqaku pasi shmang dy mbrojtësit e Dritës, Gërbeshin e Cuculin, nuk e pati të vështirë ta mposht portjerin Tofilovskin jo edhe aq të sigurt në portën e tij.

Në minutën e 82-të, Bujar Shabani shënon në mënyrë të rregullt por golin ja mohon arbitri anësor Fatmir Abrashi, i cili kishte sinjalizuar pozitë jashtë loje.

Trajneri Ardian Nuhiu i Dritës, pas ndeshjës ka deklaruar.
“Zhvilluam një ndeshje të mirë sidomos në pjesën e parë ku edhe goditëm shtyllat, rastet e pa konkretizuar na kushtuan me pësimin e një goli që duhej evituar, ne duhet të mendojm për ndeshjet e radhës dhe shpresoj se rezultatet nuk do të na mungojnë”.

Skuadra e Dritës renditet në pozitën e tretë me 24 pikë të tubuara, pesë më pak se lideri Ballkani.

Në javën e 14-të, Drita ballafaqohet me Dukagjini./rajonipress/