Xhaka vetëm pas Fabinhos në statistika, por tifozët e Arsenalit vazhdojnë me kritika ndaj tij

Derisa shifrat tregojnë se Granit Xhaka është njëri prej më të mirëve në detyrën e tij në mes të fushës, tifozët “topçinj” mbesin të pabindur nga ai. Xhaka e rifiton topin me një mesatare prej 10.29 herësh në një ndeshje të Premierligës, i dyti vetëm pas mesfushorit të Liverpoolit, Fabinho që e ka mesataren 10.32, transmeton zeri.info

26-vjeçari ka numra shumë më të mirë se sa partneri Lucas Torreira, e gjithashtu se sa Fernandihno dhe dyshja e Chelseat, N’Golo Kante. Pavarësisht kësaj, tifozët ishin të shpejtë të thonë se këto statistika janë pa ndonjë domëthenie. Ata e theksojnë faktin se sa shpesh e humb Xhaka topin, që i jep atij më shumë mundësi për ta rifituar përsëri, shkruan “The Sun”.

Ish-ylli i Borussia Monchengladbachut ishte fajësuar nga tifozët për humbjen e dyfishtë të topit në ndërtimin e aksionit të Valencias në golin e shënuar të spanjoolëve në ndeshjen e parë gjysmëfinale të Ligës së Evropës në “Emirates” javën e kaluar.

Një tifoz shkruante në rrjetin social “Twitter”: “Xhaka në herën e dytë. Kjo është arsyeja pse statistikat nuk kanë kuptim në fuboll”.

Ashpërsia e futbollistit nga Kosova për ta riftuar topin e shpjegon arsyen se pse ai ka shkaktuar më së shumti penallti në një klub të vetëm që prej transferimit te Arsenali për 38 milionë funte.

Xhaka e dhuroi penalltinë e katërt në barazimin 1:1 ndaj Brightonit të dielën, rezultat që ia shoi shpresat klubit londinez për të zënë një pozitë që dërgon në Ligën e Kampionëve, transmeton zeri.info

Më herët gjatë këtij stinori në tetor, ai ishte fajtor për rrëzimin e Wilfried Zaha ndaj Crystal Palaces. Penalltia e lejoi Luka Milivojevicin që ta barazonte rezultatin ndaj Arsenalit për t’ia mbyllur “topçinjve” ecurinë prej 10 fitoreve radhazi. Në janar të 2017-s, Arsene Wenger e paralajmëroi atë që të shkakonte më pak penallti pasi Ryan Fraser shënoi në barazimin 3:3 mes Bournemouthit dhe Arsenalit. Kjo erdhi vetëm një uaj pasi e goditi me bërryl mesfushorin e Sotke Cityt, Joe Allen në zonën e rreptësisë në fitoren 3:1 të Arsenalit, që ishte penalltia e parë e shkaktuar e tij me fanellën e klubit londinez.

Pavarësisht se bëri tri pasime kyçe dhe dy ndërhyrje derisa kishte një saktësi të pasimeve prej 90%, Xhaka më pas e zhbëri punën e tij të mirë duke e rrëzuar Solly Marchin. Ai u kritikua si “futbollisti më i palogjikshëm” për shkak të sfidës së tij, por një tifoz tjetër shkriante se Marchi duhej “ta var kokën për turpin e tij për shkak të simulimit të tmerrshëm”. Por, kjo nuk ishte e mjaftueshme për ish-lojtarin e Arsenalit, Emmanuel Frimpong, i cili tha se më përpara do të preferonte ta shihte në lojë Aaron Ramseyn me një këmbë./Zëri