Zeneli për fjalët që e lidhin me Fenerbahcen: Është nder i madh për mua
RajoniPress
11:25, 7 Dhjetor, 2018
Arbër Zeneli ka folur për interesimin e skuadrës turke, Fernerbahce, për shërbimet e tij.
Sulmuesi 23-vjeçar po kalon në formë të mirë këtë sezon me skuadrën holandeze, Heerenveen.
Përveç kësaj, Zeneli po shkëlqen edhe me fanellën e Përfaqësueses së Kosovës, duke shënuar shumë gola dhe dhënë asistime për bashkëlojtarët.
Paraqitjet e tij të mira me skuadrën dhe Përfaqësuesen kanë bërë që Zeneli të behet emër i lakuar në afatin kalimtar.
Zeneli shënoi het-trik në ndeshjen e fundit ndaj Azerbajxhanit (Foto: Ridvan Slivova/Telegrafi)
Sipas mediave, Zeneli pëlqehet shumë nga gjiganti turk, Fenerbahce, të cilët kanë shprehur interesim për transferimin e tij.
Për këtë ka folur edhe vet sulmuesi i Kosovës, i cili ka thënë se ka dëgjuar për interesimin e turqve dhe se ky është një nder i madh për të.
“Kam dëgjuar se për shërbimet e mia po interesohet Fenerbahce”.
Ë
“Të lidhet emri im me një gjigant turk është një nder i madh për mua”, ka thënë Arbër Zeneli.
Ndryshe, Zeneli ka shënuar tre gola dhe tetë asistime te Heerenveeni, ndërsa me Kosovën ka shënuar gjashtë herë në 15 paraqitje. /Telegrafi/
