20 aktakuza të ngritura, 14 prej tyre për vjedhje të shërbimeve

Gjilan – Prokuroria Themelore në Gjilan, gjatë 24 orëve, me urdhër të prokurorit janë ndaluar katër (4) persona dhe ka ngritur njëzetë (20) aktakuza kundër njëzetë (20) personave.

Ndalimet e personave me urdhër të prokurorit:
Prokuroria Themelore në Gjilan, me urdhër të prokurorit ka ndaluar për 48 orë, një (1) person për shkak të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, si dhe një (1) person për shkak të veprës penale “Vjedhja e rëndë”sipas KPRK-së.

Kërkesat për caktim të paraburgimit (apo masa tjera):
Prokuroria Themelore në Gjilan, pranë gjykatës kompetente ka parashtruar tri (3) kërkesa për caktim të masës së paraburgimit për rastet si në vijim:
Një (1) kërkesë kundër dy (2) personave për shkak të veprës penale të veprave penale “Dhuna ne familje” dhe Lëndim i lehtë trupor”;
Një (1) kërkesë kundër një (1) personi për shkak të veprës penale “Sulmi seksual” si dhe,
Një (1) kërkesë kundër një (1) personi për shkak të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Aktakuzat:
Prokuroria Themelore në Gjilan ka ngritur njëzetë (20) aktakuza kundër njëzetë e një (21) personave dhe atë për shkak të veprave penale:
Katërmbëdhjetë (14) aktakuza kundër katërmbëdhjetë (14) personave për shkak të veprës penale “Vjedhja e shërbimeve”;
Pesë (5) aktakuza kundër pesë (5) personi për shkak të veprës penale “Vjedhja e pyllit”;
Një (1) aktakuzë kundër dy (2) personave për shkak të veprës penale “Dëmtimi i të drejtave pronësore të personit tjetër”./rajonipress/