Zjarret janë bërë shqetësuese për qytetarët vitias dhe mjedisin

Viti – Në kohën kurë vendi ynë po përballet me temperatura të larta, për fat të keq, rënduese dhe shqetësuese janë bërë dhe zjarret e qëllimshme. Edhe në Komunën e Vitisë, nga faktori njeri, janë djegur me dhjetëra hektarë pyje! Zjarret ditëve të fundit po i favorizojnë edhe erërat e forta që po fryejnë!

Sipas EVSB kjo dukuri është bërë tejet shqetësuese për qytetarët, me rrezikshmëri për jetët e tyre ,pasoja ekonomike si dhe dëme mjedisore.

Zjarret po shfaqen gjithandej në Kosovë, nga të cilat janë duke u dëmtuar pyjet, tokat pyjore, por dhe sipërfaqe t’jera rurale dhe urbane.

EVSB- apelojmë për kujdes maksimal në ruajtjen e pyjeve, të natyrës dhe mjedisit.
Apelojmë po ashtu te të gjitha institucionet përgjegjëse, duke filluar nga Komunat, njësitë Komunale të APK-së, shërbimin e zjarrfikësve, dhe policinë e Kosovës, për koordinim të veprimeve, si dhe kujdes të shtuar në parandalimin e zjarreve, dhe mobilizim i të gjithë mekanizmave shtetërore për shuarjen e tyre.

Vatrat e zjarreve i vizitoj edhe Kryetari i Komunës së Vitisë Sokol Haliti, Komandanti i Stacionit Policor në Viti, Afrim Halili, Komandanti i Zjarrfiksave në Viti, Hetem Jakupi, si dhe zyrtar t’jerë të kësaj Komune.

EVSB – Apelojmë veçanërisht për mobilizim dhe kujdes të shtuar të rojeve të pyjeve, që të përcjellin aktivisht situatën, dhe të identifikojnë keqbërësit, e të japin informata të sakta tek organet e rendit, për të gjithë ata persona të pa përgjegjshëm që i shkaktojnë zjarret.

JU LUTEMI: Kujdes dhe mos ndizni ZJÂRRE!.
T’i ruajmë pyjet, sepse ato janë resurse të çmuara të këtij vendi.
Bëhu pjesë e parandalimit dhe e fikjes së zjarrit, në rast se paraqiten ato!
Lajmëroni organet kompetente në Komunat e juaja, për reagim sa më të shpejtë.
Ndihmoni institucionet përgjegjëse në përballjen me zjarret pyjore. Është obligim moral dhe qytetarë, dhe kulturë t’i dalësh zot vendit kur ai ka nevojë për ty.
KUJDESË:Ndezjet e zjarreve janë të dënuara me ligj.!
Koordinatori i EVSB-së, për Komunën e Vitisë; Imri Emërllahu!