Zgjedhjet lokale 2013

Nga Betim Osmani – Oh, moj Kosovë, oh moj bukuroshe…
shumë po djersiten kandidatët duke dhënë premtime boshe.

Qemajl Mustafa, si shumë e ka zgjat,
kryetar komune prej vitit 2007,
ka ardhur koha në Prishtinë me jetu,
me vazhdu “jetë të qete” e pak me pushu.

E ke, Lutfi Hazirin, atë Lut zotëriun,
që premton autostradën në drejtim për Prishtinën.
decentralizimin shumë mirë menaxhoi,
rajonin e Anamoravës shumë keq copëtoi.

Më i zëshmi po del Ismajl Kurteshi,
nuk premton mrekulli por alternativa për të ndryshu qytetin.
më pak dreka e darka për pushtetarët,
më shumë investime për qytetarë.

E kandidat Rexha, ai Rexhep Kadriu,
aleancën përforcoi, shpejtë Përlepnicën me Gjilan bashkoi!
po tregohet punëtor edhe zemërgjerë,
investime vetanake sjell gjithkund për qytetarë!

Oh, mor Gjilan, Gjilani i ri,
e ke Faton Bislimin një kandidat për fillim të ri.
njeri me vlera dhe intelektual,
më mirë kishte shërbyer si ministër sesa kryetar në Gjilan!

Deri tani, fushata mirë po kalon,
po e presim Hashimin me ardh me 150-milionë!
pas shumë vitesh, Mirushën me përfundu,
kulmet e shtëpive asfalt me i shtru.

Disa shefave të partive, unë po ju them,
nuk zhvillohet vendi kështu, nuk është gjithçka sui-generis.
premtimet e bëra po i harroni shpejt!
për ta një këshill: merrnu me diqka tjetër, çiklizmi zgjat jetën!

Sikur Partia e Fortë në Gjilan të garonte,
Shtëpi të Bardhë sigurisht do të premtonte.

Betim Osmani, Pasardhës i Ilirëve të Lashtë