Fillon procesi i korrje – shirjeve në Kamenicë

Kamenicë – Drejtoria e Bujqësisë, Pylltarisë dhe Zhvillimit Rural, njofton se është bërë hapja zyrtare e fushatës së Korrje – Shirjeve në Kamenicë.

Në hapjen zyrtare të këtij procesi kanë marrë pjesë Drejtori i Drejtorisë së Bujqësisë, Shpend Morina me stafin e tij, anëtarët e komisionit për korrje – shirje si dhe disa fermerë.

Hapja fushatës së korrje-shirjeve është bërë në fshatin Rogaçicë tek fermeri i suksesshëm Florim B. Kryeziu, i cili për këtë vit ka të mbjellur rreth 14 ha. me grurë dhe poashtu ka të mbjella edhe misër, tërshërë.

Në këtë proces do të marrin pjesë rreth 30 – 31 Autokombanja dhe sipas informatave të Drejtorisë këtë vit krahasuar me vitin e kaluar 2024, ka sipërfaqe më shumë të mbjella nga fermerët kamenicas.
Gjatë këtij viti pritet të korren këto sipërfaqe të drithërave si:
Gruri – 1,500 ha./rendimentet e pritura 3,500 – 4,000 kg/ha.
Elbi – 80 ha./rendimentet e pritura 2,500 -3,000 kg/ha.
Thekra – 30 ha./rendimentet e pritura 2,200 kg/ha.
Trotikall – 50 ha./rendimentet e pritura 4,500 kg/ha.

Procesi i korrje – shirjeve ka filluar mbarë dhe kushtet klimatike janë shumë të favorshme për korrje – shirjen e drithërave./rajonipress/