Apel për qytetarët e Komunës së Kamenicës: Mos ndizni zjarre në natyrë

Kamenicë – Komuna e Kamenicës bën thirrje urgjente për kujdes të shtuar dhe ndalim të plotë të ndezjes së zjarreve në natyrë, pasi që në këto ditë të nxehta të verës, rreziku nga shpërthimi i zjarreve është gjithnjë në rritje.

Në mënyrë që të parandalojmë dëmet e mëdha materiale, rrezikimin e jetëve njerëzore dhe shkatërrimin e pasurisë natyrore apelojmë tek qytetarët që shtohet kujdes i veçantë në këto raste:

• Mos digjni barishte, mbeturina apo degë të thata në toka bujqësore;
• Mos ndizni zjarre për piknik ose aktivitete tjera në vende publike pa leje të autoriteteve;
• Raportoni menjëherë çdo zjarr ose veprim të dyshimtë në numrat emergjentë si:
  Njësinë e Zjarrëfikësve në Kamenicë 193
  Qendrën Operative Emergjente 112
  Policinë e Kosovës 192
  Ndihmën e Shpejt 194

Zjarret jo vetëm që dëmtojnë ambientin dhe kafshët, por edhe rrezikojnë jetën dhe pronën e qytetarëve tanë. Veprimet e pakujdesshme mund të kenë pasoja të parikuperueshme për të gjithë komunitetin.

Kujtojmë se ndezja e zjarreve pa autorizim është e ndaluar me ligj dhe e dënueshme sipas legjislacionit në fuqi./rajonipress/