Komuna e Vitisë ndan bursa për studentët për vitin akademik 2024-2025

Viti – Komuna e Vitisë sot ka shpërndarë vendimet për bursa për studentët e komunës për vitin akademik 2024-2025. Krahasuar me vitet e kaluara, sivjet është rritur numri i studentëve përfitues që kanë përmbushur kriteret e nevojshme.

Kryetari i Komunës, z. Sokol Haliti, me këtë rast ka pritur sot studentët përfitues të këtyre bursave, duke theksuar se qëllimi kryesor i kësaj nisme është mbështetja e plotë e studentëve, si një investim i rëndësishëm në të ardhmen e rinisë së Vitisë.

“Bursat që po ndahen sot nuk janë vetëm ndihmë financiare, por një mesazh i qartë se Komuna e Vitisë beson fuqimisht në potencialin dhe të ardhmen e rinisë sonë.

Përkushtimi ynë është që të nxisim arsimimin dhe zhvillimin e talentëve të rinj, të cilët do të kontribuojnë në përparimin dhe zhvillimin në interes të ardhmes së vendit tonë” u shpreh Haliti./rajonipress/