Vuçiq: Zgjidhja e rastit të vëllezërve Bytyqi tregon se a jemi në gjendje t’i dënojmë krimet

Kryeministri i Serbisë, Aleksandar Vuçiq, ka kumtuar sot se në hetimet në rastin e vëllezërve Bytyqi janë arritur disa hapa përpara, por që qeveria ende nuk është e kënaqur.

“Prandaj mbetet që në periudhën e ardhshme të arrijmë rezultate edhe më të mira. Qeveria jonë po punon me të madhe në këtë, por para se gjithash prokurori për krime të luftës, Vladimir Vukçeviqi, sepse kjo është në
kompetencë të tij”, ka thënë Vuçiqi, citon FoNet.

Ai ka vlerësuar se zgjidhja e këtij rasti ka të bëjë me çështjen e kredibilitetit dhe garancisë sonë si partner, se a jemi në gjendje t’i hetojmë dhe t’i dënojmë personat përgjegjës për krime, shkruan gazeta Blic.