Trashëgimia kulturore ende pa mbrojtje të përhershme

Kosova ende nuk ka një asnjë objekt apo monument të trashëgimisë kulturore nën mbrojtje të përhershme të shtetit, përveç listës së përkohshme, e cila është përpiluar për herë të parë në vitin 2011, nga Ministria e Kulturës, Rinisë dhe Sportit, duke u bazuar në Ligjin për Trashëgiminë Kulturore.

Kjo listë në fillimi ka përfshirë më shumë se 900 objekte, të ndara në disa kategori, në trashëgimi arkeologjike: monumente dhe ansambël, lokalitet arkeologjik dhe rezervat, si dhe kategoria e trashëgimisë arkitekturore me monumente dhe ansambël.

Kësaj liste në tetor të vitit 2012 i janë shtuar edhe rreth 300 objekte. Këshilltari në Ministrinë e Kulturës, Shkelzen Dragaj, ka thënë se lista e përhershme e trashëgimisë kulturore, është detyrë e Këshillit për Trashëgimi Kulturore të Kosovës.(Tribuna).