Tahiri: PDK i ka mundur të gjithë sa herë ka dal në zgjedhje, njëjtë do të jetë edhe më 6 tetor

Abelard Tahiri nga Partia Demokratike e Kosovës ka thënë se kjo parti do të dal fituese në zgjedhjet e 6 tetorit. Në Debat Plus në RTV Dukagjini Tahiri ka dhënë edhe argumentet e tij për këto deklarata.

Sipas tij deri më tani partitë opozitare nuk kanë dhënë argumente se si do të qeverisin dhe se nuk kanë ndonjë vizion të qartë për këtë. “Argumenti i parë është se PDK do të angazhohet në luftën kundër krimit dhe korrupsionit e cila ka filluar jo tash por gjatë qeverisjes së kaluar në fuqizimin e ligjit dhe konfiskimin e pasurisë së paligjshme”, tha Tahiri.

Sipas tij argumenti tjetër është se PDK ka përballë dy partitë më të mëdha opozitare të cilat janë të thyera dhe se i kanë mundur sa herë kanë dal në zgjedhje. “LDK është e thyer dhe nuk i ka fituar zgjedhjet që nga viti 2004 kjo tregon se këta nuk janë të gatshëm as për tri-katër vitet e ardhshme me marr pushtet. Ndërsa qeverisjen e VV-së e kemi parë në Prishtinë dhe në Prizren që ka dështuar e sidomos procesi zgjedhor e ka gjetur të thyer”, tha Tahiri.

Tahiri tha se Albin Kurtin PDK e ka mundur që nga viti 2011, ndërsa Isa Mustafën që nga viti 2011 e edhe në vitin 2017 pavarësisht se kandidat e ka pasur Avdullah Hotin”, tha Tahiri.

Sipas tij PDK ofron një ekip të ri për ta qeverisur vendin ndërsa kryetari i PDK-së Kadri Veseli me këtë ekip do të krijojë Qeverinë e re e cila ofron një jetë më të mirë për qytetarët e Kosovës

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).