Rudi Garcia ndalet te Edon Zhegrova kur pyetet për lojtarët e Lille

Trajneri i njohur, Rudi Garcia ka folur për skuadrën aktuale të Lille, ku ishte i pranishëm në stadium në festën e 80 vjetorit të klubit francez.

Garcia ka qenë pjesë e Lille, fillimisht si lojtar (1983-1988), pastaj edhe si trajner (2008-2013).

Ai ka folur për skuadrën aktuale të Lille, duke lavdëruar emra si Benjamin Andre dhe Lucas Chevalier, ndërsa u ndal edhe te Edon Zhegrova, i cili sipas tij është i këndshëm për tu parë.

“Nuk do t’i përmendim të gjithë lojtarët, por Edon Zhegrova është ende një lojtar i këndshëm për t’u parë. Ai është një driblues dhe duket si disa lojtarë që kemi pasur në kohën tonë”, deklaroi Garcia me një buzëqeshje.

Ish trajneri i Romës, Marseilles, Lyonit, Al Nassr dhe Napolit, deklaroi se pret shumë nga Lille këtë sezon.

“Është një ekip i kompletuar, me shumë të rinj, që punojnë shumë mirë. Ky është një ekip i ndërtuar mirë që për mendimin tim do të bëjë gjëra të mëdha këtë sezon”, deklaroi Garcia. /Telegrafi/