Rey Manaj në garë për çmimin “Lojtari i Raundit të Dytë” në kualifikimet e Kupës së Botës 2026

Rey Manaj ishte protagonisti kryesor në fitoren e Shqipërisë 3-0 ndaj Andorrës në “Arenën Kombëtare”.

Sulmuesi kuqezi shënoi dy gola të bukur që në pjesën e parë të takimit dhe është përzgjedhur nga UEFA si një nga kandidatët e mundshëm për të fituar çmimin e Lojtarit të Raundit të Dytë të kualifikuesve, të vlefshme për Kupën e Botës, njofton Federata Shqiptare e Futbollit, transmeton “Zëri”.

Së bashku me Rey Manajn në garë për këtë çmim të veçantë janë edhe Karol Swiderski i Polonisë, Martin Odegaard i Norvegjisë dhe Haris Hajradinoviq i Bosnjë e Hercegovinës.

Votimi është hapur në faqen e UEFA-s dhe të gjithë tifozët mund të votojnë në këtë link.

Procesi i votimit do të jetë i hapur deri ditën e nesërme në orën 15:00 dhe më pas UEFA do të shpallë lojtarin më të mirë të raundit të dytë. /Zëri