Reagon Gadishi: Turp për një komunë që nuk kujdeset për fshatrat e saja

Gjilan – Ramadan Azemi aktivist nga fshati Gadish është revoltuar në udhëheqjen komunale të Gjilanit. Rrugën e fshatit e kemi rregulluare me iniciativën e banorëve të fshatit. Vërtet është turp për një komunë që nuk kujdeset për fshatrat e saja ka thënë Azemi.

Në fshatin Gadish sipas Ramadan Azemit janë 45 shtëpi me rreth 300 banor, por që asnjëherë ky fshat nuk është përkrahur apo ndihmuar nga komuna e Gjilanit.

Azemi aktivist nga ky fshat thotë se duke parë neglizhencën e pushtetarëve, banorët janë detyruar që vetë të ndërmarrin për të shtruar një pjesë të rrugës së fshatit, kurse është në përgatitje e sipër edhe pjesa tjetër e fshatit, e që është ndërmarrë aksion po i përmasave të mëdha sepse nuk besoj që ka ndokund katund më fukara se fshatrat tona sepse të gjithë ata që kanë pas mundësinë financiare janë shpërngul nga këto fshatra dhe po vazhdon shpërngulja.”Në fshat kanë mbetur vetëm ata që maksimumin për me marrë pjesë në këto aksione e kanë deri 20 apo 30 euro” u shpreh Azemi./rajonipress/