Rashiti: Dritës dhe Gjilanit për katër vite ia pamundësoi ndërtimin e stadiumit, tash në kohë fushate, mashtruesi i Gjilanit jep tender të paligjshëm

Gjilan – Ky kryetar komune që është kampion me abuzimin e buxhetit komunal, tani në kohë fushate jep tender në vlerë prej 239,400.00 euro për t’i dërguar sportistët për stërvitje në Turqi ka shkruar Riad Rashiti.

Reagimi i plotë:

Mashtrues dhe keqpërdorues të buxhetit, kuptojeni që nuk ju shpëton asgjë më 9 shkurt, kot e keni me dhënë tendere në kohë fushate, sepse nuk do të mund ta bleni besimin qytetarë.
Për katër vite dy klubet sportive Drita dhe Gjilani i keni lënë në lloq, pa stadium dhe pa përkrahjen e duhur, e të vazhdueshme financiare.

Ky kryetar komune që është kampion me abuzimin e buxhetit komunal, tani në kohë fushate jep tender në vlerë prej 239,400.00 euro për t’i dërguar sportistët për stërvitje në Turqi.

Ky buxhet as nuk është i planifikuar dhe as i miratuar nga Kuvendi Komunal i Gjilanit. Dhe kjo është puro shkelje e rëndë ligjore dhe keqpërdorim i parasë publike me tenderët e shumët që po jepen në këtë formë abuzive, sidomos në kohë fushate.

Por kot e keni ju të gjorët e pushtetit lokal dhe qendror, fundin tuaj tani po e shihni të gjithë, andaj po provoni në këtë formë për blerje votash.

Sportistët e Gjilanit sikurse të gjithë qytetarët e komunës tonë, nuk blihen e as nuk shiten në kohë fushate, ashtu siç po i trajtoni të tillë.

Mashtruesit e pushtetit nga 9 shkurti e tutje, nuk do të qeverisin më me shtetin tonë.