Qemajl Mustafa: Do bëhet si donte Idriz Seferi

Gjilan – Ish kreu i Gjilanit Qemajl Mustafa ka uruar gjilanasit për vendosjen e shtatores së kolosit Idriz Seferit që pritet të ndodhë më 27 nëntor në qendër të Gjilanit. Ai bëri luftë e punë që të ishte krejt më ndryshe. Dhe rrugë tjetër nuk ka. Do bëhet si donte Idriz Seferi. Do bëhet ndryshe ka thënë Qemajl Mustafa.

Postimi i plotë i Qemajl Mustafës
“Dy në një” për Gjilanin
URIMET MË TË MIRA PËR PËRVJETORIN E 105-të TË PAVARËSISË SË SHQIPËRISË PËR SHQIOTARËT KUDO QË JANË dhe URIME E GËZUAR ARDHJEN E SHTATORES SË HEROIT KOMBËTAR Idriz SEFERIT.
E gëzofshim përvjetorin e pavarësisë, ne dhe gjeneratat që vijnë. Me shtete të forta e demokratike shqiptare, me bashkim material e shpirtëror të kombit.
Për qytetarët e Gjilanit një urim tepër i veçantë për ardhjen e shtatores së Idriz Seferit në qendër të qytetit. Pavarësisht debateve për pro e kontra zhvendosjes së shtatores së LNÇ dhe pavarësisht mungesës së vendimeve nga Kuvendi i Komunës, madhështia e figurës së heroit kombëtar Idriz Seferit, i duron të gjitha pakujdesitë dhe vogëlsitë tona.
Ai ka çka na jep neve deri sa të ketë shqiptarë dhe atdhe të shqiptarëve e ne, s’kemi çka me i dhënë atij përveç këtij respekti, që unë e trajtoj të vogël për dimensionin e tij. Mund t`i japim edhe diçka që ai nuk do ta donte: mospajtimet tona, kapriçot e politikajve të vegjël e injorantë e si pasojë, shoqërinë shqiptare ende të brishtë.
Ai bëri luftë e punë që të ishte krejt më ndryshe.
Dhe rrugë tjetër nuk ka.
Do bëhet si donte Idriz Seferi.
Do bëhet ndryshe.