Punimet e KEDS dëmtojnë trotuaret në Viti, janë bërë shqetësuese për qytetarët

Viti – EVSB ka reaguar ndaj punimeve të KEK/KEDS, të cilat janë bërë shqetësuese për qytetarët vitias, me dëmtimet e trotuareve, ata po e vështirësojnë lëvizjen e lirë të qytetarëve dhe po u shkaktojnë edhe pa siguri.

EVSB gjithmonë dhe çdo herë kë reaguar ndaj dukurive negative, varësisht nga natyra e problemit, dhe i ka adresuar në organet gjegjëse për t’i zgjidhur ato!

Edhe kësaj rradhe dëshirojmë që të i njoftojmë Institucionet tona Komunale, me një kërkesë e bërë nga qytetarët që ka të bëjë me një çështje që po na shqetëson neve dhe xhematin e xhamisë në Viti, dhe banorët përreth, thuhet në reagimin e qytetarëve tanë.

EVSB: Konkretisht, bëhet fjalë për trotuarin përreth xhamisë, i cili pas disa ndërhyrjeve te KEK/ KEDS është lënë në një gjendje që vështirëson qarkullimin e qytetarëve, veçanërisht personave me aftësi të kufizuar, të moshuarve dhe fëmijëve që janë pjesë e përditshme e lagjes dhe xhematit të Xhami.

EVSB: Trotuari, përveçse ka rëndësi për sigurinë dhe funksionalitetin, është edhe një pasqyrë e kujdesit që institucionet tregojnë ndaj komunitetit.

EVSB, bën kërkesë në Institucione Komunale për kthimin e trotuarit në gjendjen e mëparshme ose për rregullimin e tij në mënyrë që të jetë i sigurt dhe i përdorshëm për të gjithë qytetaret.

Shpresoj se Kërkesa e jonë drejtuar Institucioneve Komunale, do të merret parasysh, dhe sa më shpejtë që të jetë e mundur trotuari të kthehet në gjendjen e mëparshme(normale), dhe të bëhet i ças’shëm për lëvizje të lirë për të gjithë qytetarët, veçmas për të moshuarit, personat me aftësi të kufizuara dhe fëmijët që janë pjesë e asaj lagje.

Pamjet në fotografi pasqyrojnë gjendjen e tanishme të trotuareve thuhet në reagimin e koordinatorit të EVSB-së, për Komunën e Vitisë, Imri Emërllahu./rajonipress/