Presidentja Osmani: Me rëndësi që konstituimi i Kuvendit dhe formimi i qeverisë të bëhen brenda afateve kushtetuese

Presidentja Vjosa Osmani, në një prononcim për media tha se përgjegjësia e saj kushtetuese është të thërras seancën konstituive të Kuvendit, duke theksuar rëndësinë e respektimit të afateve kushtetuese për formimin e institucioneve te reja, raporton Ekonomia Online.

Ajo tha se konstituimi duhet të përfundoj brenda afateve të përcaktuara.

Presidentja shtoi se ndonëse në të kaluarën ka pasur presidentë që janë përfshirë në çështjen e koalicioneve, ajo i konsideron ato si çështje partiake, që nuk janë pjesë e përgjegjësive të saj kushtetuese.

“Përgjegjësitë e mia kushtetuese janë që të thërras këtë seancë konstituive. Besoj që nga dita e certifikimit të rezultateve deri në momenti kur mbahet seanca konstituive veçse ka kohë të mjaftueshme për partitë politike që t’i kryejnë diskutimet e nevojshme. Po ashtu për organizuesit e seancës konstituive të Kuvendit që duhet të bëjnë një sërë regjistrimesh dhe përgatitjesh teknike, ka kohë të mjaftueshme. I uroj sukses partive politike, i uroj sukses Kuvendit të Kosovës që ai proces të shkojë sa ma mirë që është e mundur dhe që konstitutimi të kryhet po me atë datë. Siç e dini si presidente s’kam të drejtë vote dhe pavarësisht se në të kaluarën mund të ketë pasur president që janë përzier në çështje të koalicioneve unë i konsideroj ato çështje partiake, që sipas Kushtetutës nuk janë detyrë e imja. Jam besimplote që institucionet përkatëse, deputetërt të bëjnë çmos që kjo të jetë seancë të jetë e suksesshme”, tha presidentja Osmani.

“Është me rëndësi për qytetarët e Kosovës, ju po i shihni zhvillimet gjeopolitike nuk është që globi na pret neve, është me rëndësi që brenda afateve kushtetuese të kemi konstituimin e Kuvendit që është hap i parë dhe pastaj qeverinë e Kosovës, një Kuvend funksional që kryen edhe punën e mbikëqyrjes në raport me qeverinë, sepse Kosova ka shumë punë për të bërë”, shtoi presidentja Osmani.Këtë deklaratë presidentja Osmani e bëri pas takimit me sekretarin e jashtëm të Mbretërisë së Bashkuar, David Lammy./Ekonomia Online/