Përkujtohen dëshmorët e 5 prillit në Smirë dhe Lubishtë

Viti – Në përkujtim të rënies heroike të dëshmorëve të 5 prillit të vitit 1999, nga fshatrat Smirë e Lubishtë, sot në orët e paradites, përfaqësuesit e Institucioneve Komunale në krye me kryetarin e Komunës së Vitisë, Sokol Haliti dhe përfaqësues të subjektet politike, të organizatave të dala nga lufta, familjarë të dëshmorëve dhe qytetarë të shumtë, kanë bërë homazhe dhe kanë vendosur lule në varrezat e dëshmorëve në Viti.

Më pas në këto dy lokalitete, në shkollat të cilat mbajnë dhe emrin e dëshmorëve të rënë më 5 prill 1999, për nderë të kësaj dite përkujtimore, u shfaqën programe kulturore e artistike të përgatitura nga nxënësit e shkollave në bashkëpunim me mësimdhënësit e tyre./rajonipress/