Haliti falënderon mërgimtarët për kontributin e dhënë dhe ju uron festat e fundvitit

Viti – Mërgimtarët tanë po kthehen për të kaluar këto festa me familjet e tyre, është momenti i duhur për t’ju falënderuar për kontributin që jepni çdo vit në zhvillimin e komunës sonë. Kjo është një mundësi për të forcuar lidhjet tona dhe për të rikujtuar se, pavarësisht largësisë, dashuria për këtë qytet dhe për vëllezërit dhe motrat tanë është e pakushtëzuar ka shkruar Sokol Haliti.

Postimi i plotë:

Të nderuar qytetarë të Vitisë,
Të dashur mërgimtarë,
Më lejoni t’ju uroj mirë se ardhje me plot shëndet, lumturi dhe suksese. Ky është një moment i veçantë për të gjithë ne, një kohë kur bashkohemi me të dashurit tanë, kur rikthehemi në qytetin tonë të dashur dhe festojmë bashkë.

Kjo periudhë e fundvitit është një mundësi e shkëlqyer për të reflektuar mbi vitin që lamë pas dhe për të shtruar hapa të rinj për të ardhmen.

Mërgimtarët tanë po kthehen për të kaluar këto festa me familjet e tyre, është momenti i duhur për t’ju falënderuar për kontributin që jepni çdo vit në zhvillimin e komunës sonë.

Kjo është një mundësi për të forcuar lidhjet tona dhe për të rikujtuar se, pavarësisht largësisë, dashuria për këtë qytet dhe për vëllezërit dhe motrat tanë është e pakushtëzuar.

Ju uroj festat e fundvitit të mbushura me lumturi, harmoni dhe paqe. Le të kalojmë një vit të ri të mbushur me shpresa dhe suksese.
Mirë se vini në Viti, qytetin tuaj, dhe uroj që këto festa të jenë mbushur me dashuri, ngrohtësi dhe kujtime të paharrueshme.
Gëzuar!