OJQ “Psikoterapeutët në Veprim” fitues të projektit për ndërtimin e shtëpisë së pleqve

Gjilan – OJQ “Psikoterapeutët në veprim” e cila udhëhiqet nga menaxherja Sevdije Haziri Musliu janë fitues të projektit për ndërtimin e shtëpisë së pleqve në vlerë të 2.5 milion eurove. Ky projekt pritet të punësojë 52 punëtor.

Sevdije Haziri Musliu tha për rajonipress se ky projekt ka një domethënie të madhe edhe për organizatën e saj që i është besuar puna, por edhe për Komunën e Gjilanit sepse zgjidhet një problem shumë i madh për komunën. “Ne si OJQ vërtet ndihemi të privilegjuar sepse janë marrë për bazë puna jonë profesionale, angazhimi dhe përkushtimi i tërë stafit dhe përkujdesja jonë që kemi treguar ndaj rasteve të shumta me nevojë” tha Musliu.

Musliu tha se ky projekt financohet nga Anglia kurse vlera e projektit është 2.5 milion euro. “Brenda tri javësh pritet të nënshkruhet kontrata mes OJQ “Psikoterapeutët në veprim” dhe një OJQ angleze nga Londra” tha Musliu.

E mira e këtij projekti është e dyanshme sepse ne kemi mundësi që t`i punësojmë hiq më pak se 52 punëtor tha ajo./rajonipress/