Nuk po dimë apo nuk po duam!

Nga Shefik Sadiku – Tepër e dhimbshme, për të mos thënë tragjike, është e vërteta kur para 26 vitesh, në kushte dhe rrethana shumë të rënda, ditëm dhe mundëm të organizohemi e të bëjmë një luftë që solli lirinë për ne, kurse sot, pas 26 vitesh, në kushte dhe rrethana skajshmërisht shumë më të favorshme, as nuk po dimë, as nuk po mund ta formojmë Qeverinë!

1. Nuk është e dhimbshme kur para 20 apo 50 vjetësh nuk ke ditë thuaja asgjë, kurse sot së paku e ke një diplomë gjimnazi apo normale.
   Nuk është e dhimbshme kur para 20 apo 50 vitesh nuk kishe po thuaj asgjë nga pasuria, kurse sot ke së paku një traktor me një fuqi modeste kal fuqie.
   Nuk është e dhimbshme kur para 20 apo 50 vitesh nuk kishe po thuaj asgjë të re nga rrobat që duhet veshur e mbathur, kurse sot ke së paku dy palë rroba e tri palë këpucë!

2 .E dhimbshme, madje tepër e dhimbshme është kur sot nuk ke një diplomë gjimnazi apo normaleje që e kishe para 50 vitesh; kur nuk ke së paku një traktor modest nga kalë fuqia, që e kishe para 50 vitesh; kur nuk ke së paku një palë rroba dhe këpucë, që i kishe para 50 vitesh!

3. Tepër e dhimbshme, për të mos thënë tragjike, është e vërteta kur para 26 vitesh, në kushte dhe rrethana shumë të rënda, ditëm dhe mundëm të organizohemi e të bëjmë një luftë që solli lirinë për ne, kurse sot, pas 26 vitesh, në kushte dhe rrethana skajshmërisht shumë më të favorshme, as nuk po dimë, as nuk po mund ta formojmë Qeverinë!

Nuk po dimë apo nuk po duam!