Kur ideali takon vizionin

Nga Arben Kurteshi – Duke filluar nga rilindasit si Naimi, Noli, Çajupi, Migjeni, dhe shumë të tjerë, por edhe nga themeluesit e shteteve shqiptare, si Ismail Qemali, Isa Boletini, Ibrahim Rugova, dy Bacat Adem Jashari e Adem Demaçi, vetëm duke i njohur dhe vlerësuar këta frymëzues të mëdhenj, mund të ndërtojmë një të ardhme të ndritur.

Këta rezistues e inkurajues kombëtarë ideal e kishin lirinë dhe vizion shtetin.

Edhe sot, nëse ideal e kemi zhvillimin dhe vizion e kemi shtetin, mund të ngrihemi dhe të ndërtojmë një vend të denjë, të zhvilluar e të fortë për qytetarët.

Por, derisa ideal mbetet kolltuku dhe vizion pushteti, nuk mund ta zhvillojmë shtetin tonë në nivelin që synojnë Evropën.

Kur të mësojmë të vlerësojmë historinë, testamentin e udhërrëfyesen tonë dhe mendjet e ndritura që na udhëhoqën, dhe kur të përqafojmë zhvillimin me përkushtim, e kur ta kuptojmë se si të përdorim gjithçka si shteg drejt arritjes së madhe, atëherë do ta çojmë vendin përpara, përtej pritshmërive, në të mirë të çdo qytetari të vendit e kombit.