Një tjetër futbollist i Kosovës U21 zgjedh Shqipërinë, Alban Bushi publikon listë për dy ndeshjet e muajit mars

Shkuarja e Etnik Brrutit si kapiten i Kosovës U21, te kombëtarja e Shqipërisë, ka ngjallur debat të madh në vendin tonë.

Disa e quajtën tradhëtarë, e disa të tjerë e përkrahën për këtë vendim, me të cilin u largua papritur nga përfaqëssuesja ”Dardane”, shkruan IndeksOnline.

Ai është ftuar nga selektori Silvinho për ndeshjet e muajit mars, kundër Anglisë dhe Moldavisë.

Por Brruti nuk është i vetmi në këtë muaj që braktisi Kosovën për kuqezinjtë.

Luan Simnica është futbollisti tjetër i cili ka vendosur të luaj për Shqipërinë.

Ai ishte i grumbulluar nga selektori i Kosovës U21, Afrim Toverlani në muajin shtator të vitit të kaluar, ku kishte luajtur disa minuta në ndeshjen me Poloninë.

Simnica është ftuar nga trajneri i Kombëtares U21, Alban Bushi, për dy ndeshjet miqësore, ku më 21 mars, Shqipëria U-21 do të përballet me Greqinë në stadiumin “Serres Municipal”, në orën 16:00, ndërsa më 25 mars do të luajë kundër Luksemburgut në stadiumin “Georges Woehlfart”, në orën 18:30./IndeksOnline/