Në Viti me aktivitete të ndryshme u shënua Dita Ndërkombëtare e Fëmijëve

Viti – Me rastin e 1 Qershorit – Ditës Ndërkombëtare të Fëmijëve, kryetari i komunës së Vitisë, Sokol Haliti me drejtoreshën e Arsimit, Arta Ajeti, fillimisht kanë vizituar sot çerdhen e fëmijëve “Gëzimi Ynë”, në Viti.

Me këtë rast Haliti, i ka uruar fëmijët në ditën ndërkombëtare të tyre, duke theksuar se fëmijët janë shtylla kryesore e motivit për zhvillimin e vendit.

Më pas, kryetari Haliti dhe drejtoresha Ajeti, kanë pritur në takim nxënësit e shkollës fillore të mesme të ulët “Hysen Tërpeza”, nga fshati Tërpezë.

Kryetari Haliti ka kërkuar nga nxënësit që të jenë të përkushtuar në mësime dhe të arrijnë majat e suksesit, pasi që përmes një arsimi të mirëfilltë mund të zhvillohet shteti dhe shoqëria siç duhet.

Poashtu, me rastin e Ditës Ndërkombëtare të Fëmijëve, kryetari Haliti ka vizituar edhe nxënësit e shkollës së komunitetit serb në Viti, drejtorin dhe stafin arsimorë të kësaj shkolle.

Përndryshe, për nderë të kësaj dite, drejtoria për Kulturë, Rini e Sport, në bashkëpunim me Korin e Qytetit të Vitisë, kanë mbajtur festivalin për fëmijë dhe të rritur “Cover Fest”./rajonipress/