Në Viti lulëzojnë projektet, Gjilani në kolaps të plotë politik e zhvillimor

Gjilan – Në Komunën e Vitisë nuk kalon një ditë pa u prezantuar punime në projektet e ndryshme në qytet e fshatra, kurse Gjilani tash e disa muaj po merret me mungesën e numrave dhe nuk po mundet të mbajë asnjë seancë të Kuvendit. Zhvillimi gjithashtu ka ngecur në të gjitha drejtimet.

Komuna e Gjilanit po humb çdo ditë në shumë sfera dhe po shkon drejt një kolapsi total. Kur Kuvendi nuk mund të mblidhet në mungesë të asambleistëve ose numrave të koalicionit mjerimi ndryshe nuk është.

Derisa në Gjilan po shohim veç stagnim, në Komunën e Vitisë Sokol Haliti edhe ditëve të vikendit është në teren duke promovuar projekte.

Të shtunën Haliti, ka vizituar sot sheshin “Calmy Rey” përkatësisht rrugën në të cilën intensivisht është duke u punuar dhe është duke u finalizuar ndërsa sot është bërë sinjalizimi i kësaj rruge.

Poashtu, komuna e Vitisë është duke vazhduar punimet edhe në rregullimin e rrugës Sllatinë e Poshtme – Viti dhe në rrugën afër palestrës sportive në fshatin Drobesh, e cila lidhet me rrugën Viti – Sllatinë.

Këto rrugë do të krijojnë mundësi të shumta dhe lehtësim për qarkullimin e qytetarëve vitias./rajonipress/