Ndahet nga jeta Zija Aliu, ikona e vallëzimit dhe kreativitetit në skenë

Gjilan – Me zemër të thyer dhe shpirt të lënduar, familjare, miq dhe dashamirë ju njoftojmë se sot në orët e mbrëmjes ka ndërruar jetë vëllau/ bashkëshorti/babai/gjyshi ynë, Zija Aliu-Remniku thuhet në njoftimin e familjes!

Njoftim mortor!

Me zemër të thyer dhe shpirt të lënduar,familjare,miq dhe dashamirë ju njoftojmë se sot në orët e mbrëmjes ka ndërruar jetë vëllau/bashkëshorti/babai/gjyshi ynë, ZIja Aliu-Remniku!

Zoti të dhëntë prehje të përjetshme dhe shpirti yt i mirë pastë dritë, atje ku pushojnë të drejtët.
Për varrimin e të ndjerit ju informojmë me kohë!
Të pikëlluar,
Familja ALIU!

VEPRIMTARIA E BUJSHME E NJË VALLTARI ZIJA ALIU
Biografia dhe veprimtaria
U lind më 22 Kallnor (Janar) 1951, në fshatin Remnik, komuna e Vitisë.

Shkollimi
Përgatitjen fillore, në fshatin e lindjes.
Përgatitjen e mesme, në normalen e Gjilanit dhe Ferizajit ( nga shkaku se u përjashtua në Gjilan, si pjesëmarrës i demonstratave të vitit 1968).

Veprimtaria arsimore
Nga Viti 1972 – 1992, mësimdhënës nëpër shumë shkolla fillore në komunën e Vitisë
Në vitet 1982 – 1987, i përjashtuar nga procesi mësimor , shkaku i vënies në skenë të Valles së Kaçakëve, në Festivalin Ballkanik të Folklorit “Ohri ‘81”..
Nga viti 1992 e këndej, ushtron biznes privat si dhe veprimtari kulturore e humanitare.

Veprimtaria Kulturore
Në vitet 1966 – 1968
Anëtar i SHKA “Zenel Hajdini” – Gjilan,
Në vitet 1968 – 1971
Anëtar i SHKA “Kastrioti” – Ferizaj
Në vitin 1972
Themelon SHKA “Rreze Dielli” – Remnik
Në vitet 1972 – 75 (si student)
Vepron në SHKA “Ramiz Sadiku” dhe në Ansamblin “Shota” – Prishtinë.
Në vitin 1976, themelon ansamblin e folklorit në nivelin komunal të Vitisë, i pagëzuar së voni me emrin e dëshmorit Kemajl Azizi.
Pjesëmarrja nëpër Festivale
Mes viteve 1971- 2008
Në dhjetëra e dhjetëra festivale në nivel vendi që nga Gjilani, Gllogovci, Prizreni e Prishtina.
Në dhjetëra e dhjetëra përfaqësime të Kosovës, në shtete të ndryshme të Ballkanit e Europës
Mes viteve 1993 – 2003, gjithashtu :
Kontribuues dhe anëtar i AKV GURRA nga Gjilani, si valltar por edhe performues i lojërave popullore dhe sponzorizues i veprimtarive brenda e jashtë Kosovës.
Shpërblimet më të rëndësishme
Gjatë viteve të nëntëdhjeta,
Tri herë, valltari më i mirë i Kosovës për luajtjen dhe demonstrimin e valleve burimore të Karadakut.
Në vitin 2005
Në një festival të folklorit në Francë, në mesin e 16 shteteve pjesëmarrëse, nderohet me Kupën “Ganat 2005”.
Më 2006, në Ankara të Turqisë
Shpërblimi Special për kontribut të veçantë, dhënë kulturës.
Më 2008, në Shqipëri ( “Bajram Curri ‘2008 )
Çmimi i madh “Panajot Kanaqi, si valltari më i mirë

Veprimtaritë humanitare
Në vitet 1990 – 2010, pajtimtar i shumë gjaqeve, konflikteve dhe ngatërresave të ndryshme në Komunën e Vitisë e Anamoravë.
Nga viti 1992 e këndej, sponzorizues i shumë veprimtarive kulturore përmes firmës private PRES – COM – Viti.
Ndihmues i familjeve skamnore dhe shoqatave të ndryshme të themeluara pas luftës .
Njohës, kultivues dhe afirmues i traditave kulturore shqiptare të Krahinës së Karadakut.

Ndërsa Sami Piraj ka thënë se Biografia e Zija Aliut ka një gamë të gjerë të aktiviteteve artistike dhe ajo me pak rreshta nuk është e denjë për punën e palodhshme të tij.

Në planin artistik dhe organizativ të valles kryesisht të trevës së Karadakut, së bashku me të ndjerin Hamit Aliu e të tjerë, paraqesin bërthamën e autenticitetit të lojës dhe kreativitetit në skenë.

Zija Aliu përveç si valltar ai ndjeu shpirtin e frymës së lëvizjes skenike. Vallen e organizoi e shtriu në konceptin më origjinal, por edhe i dha formën e atraktivitetit. Tri here radhazi u shpall Valltari më i mirë në nivel Kombëtar në Kosovë, duke i lanë Juritë të mos hezitojnë në gjykimet e tyre.

Gama e gjerë e lëvizjeve kreative në skenë që asnjëherë nuk shqitet nga origjinalja është dhe mbetet udhërrëfim i gjeneratave për vallen e këtij nën qielli ka shkruar Piraj./rajonipress/