Mustafi inspirohet nga Pique e Ferdinand

Shkodran Mustafi dita ditës po bëhet mbrojtës më i sigurt. Për ta arritur këtë, futbollisti shqiptar thotë se mëson nga yjet e futbollit botëror.

“Inspirohem mjaft nga Rio Ferdinand e Pique. Më pëlqejnë mbrojtësit që dinë të luajnë me topin dhe trajneri e kërkon pikërisht këtë nga ne”, deklaroi përfaqësuesi U-21 i Gjermanisë për mediat italiane.

I pyetur se cili sulmues e frikëson më shumë, nëse do ta kishte kundërshtar, ai u përgjigj: “Janë shumë, por ndër ta padyshim Messi dhe Cristiano Ronaldo”, vazhdoi ai.

Mustafi ndër të tjera shton se përfshirja e tij në ekipin U-21 të Gjermanisë ishte një ëndërr e bërë realitet. “Është një ëndërr që u realizua. Në Evropian nuk na shkoi mirë, por e dimë se si duhet të këndellemi. Tash na presin kualifikimet në shtator”, përfundoi ai./express/