Mustafa: Libri për Gjilanin me rrethinë rrinë i “prangosur prapa grilave”

Gjilan – Libri i quajtur studim monografik me titullin “Gjilani me rrethinë” është i vetmi libër i shkruar me kompetencë profesionale dhe me konsensus të plotë politik. Ky libër është inaugurua në 100 vjetorin e pavarësisë së Shqipërisë në sallën e kuvendit të komunës së Gjilanit. Pra, me 28 Nëntor 2012. E kemi dërgue në vitin 2013 në shtyp dhe aty ka mbetur për 6000 euro pa u shtypur. Lutfi Haziri nuk e pati vullnetin që ky libër të jetë pjesë e bibliotekave tona dhe kudo nëpër institucionet e komunës e të Republikës. Ky është libri në të cilin janë shtjellue zhvillimet 270 vjeçare të historisë së komunës tonë nga të gjitha fushat. Nga gjeneza e saj, nga gjeografia me demografi, nga arsimi, shëndetësia, ekonomia, kultura, sporti…ka shkruar Qemajl Mustafa.

”Për fat te keq, qëllimisht, ky libër mbahet “i prangosur” dhe i ngjan një të burgosuri politik i cili përkundër dijes dhe potencialit të madh që e ka, s’mund të komunikojë me të tjerët. Cilido që donë ta lexojë këtë thesar të Gjilanit e Anamoravës, (edhe me ndonjë të metë natyrisht, sepse është botimi i parë) le ta dërgon adresën e tij elektronike dhe do ta keni formën elektronike të radhitur sikur edhe është dërguar për shtyp. Respekt për këshillin e autorëve, për lexuesit e monografisë dhe për qytetarët e Gjilanit e Anamotavës të cilëve edhe u dedikohet kjo monografi” ka shkruar Qemajl Mustafa./rajonipress/