“Vatra”: Maturantët, vitin e kaluar narkomanë sivjet, për vota, u bënë haxhi!

Gjilan – Vitin e kaluar, Kryetari i Komunës së Gjilanit, z. Alban Hyseni, anuloi ekskursionin e maturantëve me arsyetimin se ata rrezikonin të konsumonin drogë dhe alkool. Sivjet, kur ekskursioni po organizohet nga vetë komuna, papritmas të gjithë maturantët qenkan bërë shembullorë thuhet në reagimin e Lëvizjes “Vatra”.

Reagimi i plotë:

Ky qëndrim kontradiktor është dëshmi e qartë e hipokrizisë dhe standardeve të dyfishta që po aplikohen nga udhëheqja komunale. Nuk mund të dënosh një brez maturantësh për sjellje të përgjithësuar dhe më pas të bësh të njëjtin organizim vetë, vetëm sepse i shërben interesave tua politike.

Lëvizja “Vatra”, kërkon trajtim të barabartë për të gjithë maturantët dhe i bën thirrje institucioneve që të mos përdorin të rinjtë si mjete për manipulime politike./rajonipress/