Mijëra rugovistë në Dardani, vuloset fitorja e madhe e Vjosës ekipit të uniteti të LDK

Mijëra aktivistë, veprimtarë e simpatizantë të Lidhjes Demokratike të Kosovës në lagjet, Dardani I dhe Dardania II në Gjilan, i kanë dhënë mbështetje rekorde kryeministres së ardhshme, Vjosa Osmanit dhe pesë kandidatëve për deputetë: Lirije Kajtazi (6), Fatmir Rexhepi (20), Valentina Bunjaku Rexhepi (21), Imet Rrahmani (35) dhe Faton Bislimi (44).

I emocionuar me këtë me këtë përkrahje është shprehur të jetë kryetari i Shtabit Zgjedhor të Degës, Arben Mehmeti, i cili theksoi se kjo përkrahje është vulë e fitores plebishitare të Vjosa Osmanit dhe listës së unitetit nga Gjilani.

Në emër të këtyre nëndegëve ka folur Dr. Fidan Qerimi, i cili tha se pesëshja kandidaturave të Gjilanit, me këtë përkrahje, do të jenë edhe deputetët e ardhshëm të Kuvendit të Republikës, të cilët do të na përfaqësojnë me dinjitet.

Kandidati Faton Bislimi, ka deklaruar se Dardania është gurëthemeli i kauzës së LDK tash e 30 vite, ndërkaq ka shtuar se Gjilani ka arsye që të punojë dyfish më shumë për shkakun se kryetar i Shtabit në nivel qendror është Lutfi Haziri dhe kandidate për kryeministre, Vjosa Osmani, e cila jeton po në këtë lagje,

Kandidatja Lirije Kajtazi (6), i ka falënderuar të gjithë të pranishmit që për 30 vite nuk iu ndan asnjëherë partisë së Ibrahim Rugovës, duke shtuar se LDK ka ditur dhe di t’i ruaj dhe respektojë miqtë e Kosovës, që na ndihmuan në të gjitha proceset.

Kandidati Fatmir Rexhepi (20), tha se Dardania është shtëpi e themelimit të Lidhjes Demokratike, shtëpi e intelektualëve, e arsimtarëve, profesorëve, nënave e baballarëve që rrugëtuan bashkë për 30 vite për liri dhe pavarësi.

Kandidatja Valentina Bunjaku Rexhepi (21), pasi i falënderoi të gjithë për mbështetjen enorme, theksoi se LDK e ka besën dhe shpresën dhe vetë prezenca e madhe atje e tregon ndryshimin e madh që do të ndodhë më 6 tetor.

Kandidati Imet Rrahmani (35), theksoi se ky masovitet pa punën e mirë të Shtabit nuk do të ndodhte, për të shtuar se lista e LDK’së ka background edhe akademik, edhe politik e edhe njerëzor, derisa theksoi se duke e votuar LDK’në, votoni për Kosovën e prosperitetit dhe jo të zhvatjes.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).