Me ndezjen e flakadanit u hap Manifestimi Kulturor e Sportiv “Flakadani i Karadakut”

Viti – Të hënën në Viti është hapur edicioni i 24-të i Manifestimit tradicional kulturor e sportivë “Flakadani i Karadakut 2025”.

Hapja u bë në mënyrë solemne me ndezjen e flakadanit nga ana e zv. kryetarit të komunës së Vitisë, Hasan Aliu, vëllau i dëshmorit Nijazi Azemi “Komandant Mjekrra” – Avni Azemi, kryesiesi i Kuvendit Komunal Bekim Azizi dhe kryetari i degës së OVL të UÇK-së Idriz Quni.

Në fjalën e rastit, zy.kryetari i komunës Hasan Aliu, foli edhe për rëndësinë e manifestimit tradicional gjithëkombëtar Kulturor e sportivë “Flakadani i Karadakut”, që personifikon figurën e dëshmorit të kombit Njazi Azemi –komandant Mjekra, që vlerësohet të jetë një nga ngjarjet më kulmore në komunën e Vitisë.

“Manifestimi tradicional gjithëkombëtar Kulturor e sportivë “Flakadani i Karadakut”, që personifikon figurën e dëshmorit të kombit Njazi Azemi komandant Mjekrra, është një nga ngjarjet më kulmore në komunën e Vitisë.

Prandaj, jemi sot së bashku, që të bëjmë hapjen solemne të këtij manifestimi gjithëkombëtar, që edhe këtë vit, sikur edhe viteve tjera, do të përmbajë një varg aktivitetesh kulturore e sportive, me një gamë të gjerë ngjarjesh, sportive në basketboll, shah, futboll e gjimnastikë.

Ndërkohë që në fushën e kulturës e letërsisë, do të ketë gara rajonale të recituesve, orën e madhe letrare si dhe Festivalin gjithëkombëtar të Ansambleve dhe shoqërive nga gjitha trojet shqiptare”, u shpreh Aliu.

Ndërsa drejtori për Kulturë, Rini e Sport, Valmir Sahiti, foli për aktivitetet që do të zhvillohen për gjatë tri ditëve të ardhshme në kuadër të manifestimit “Flakadani i Karadakut 2025” i cili mes tjerash tha se për këto ditë, komuna e Vitisë do të jetë qendër kulturore e sportive e trojeve shqiptare. “Edhe sivjet, do të kemi një varg aktivitetesh kulturore e sportive, si në basketboll, shah, futboll e gjimnastikë. Ndërsa në fushën e kulturës e letërsisë, do të kemi gara rajonale të recituesve, orën e madhe letrare si dhe Festivalin gjithëkombëtar të Ansambleve dhe shoqërive nga gjitha trojet shqiptare”, tha drejtori Sahiti, duke uruar pjesëmarrësit e manifestimit të sivjetmë.

Gjithashtu, ai ka shprehur falënderim për të gjithë kontribut dhënësit që për vite me radhë, mbajtën gjallë aktivitetet e manifestimit.

Në emër të OVL të UÇK-së në Viti, të pranishmit i përshëndeti Selver Haxhiu.

Po sot, ka filluar nata e parë e Festivalit mbarëkombëtar i Ansambleve dhe Shoqërive Kulturore Artistike nga vise të ndryshme anembanë ku jetojnë shqiptarët./rajonipress/