Maliqi: Jahjaga e përmirësoi imazhin e Kosovës në botë

​Njohësi i rrethanave politike, Shkëlzen Maliqi, e ka vlerësuar me notë pozitive punën e presidentes Atifete Jahjaga gjatë këtyre pesë vjetëve.

Ai ka thënë për “Epokën e re” se gjatë mandatit të saj në krye të shtetit, Jahjaga ka demonstruar se Kosova ka gra dhe burra që mund t’i kryejnë dinjitetshëm punët shtetërore dhe me përgjegjësi të madhe, transmeton Gazeta Express.

Sipas Maliqit, shembulli i Jahjagës jep shpresë për paraqitjen e një brezi të ri politikanësh.

“Me kalimin e kohës ajo ka mësuar shumë, e ka përmirësuar dukshëm performancën dhe ka ndikuar mjaft në përmirësimin e imazhit të Kosovës në botë, duke i baraspeshuar dëmet e shkaktuara nga elita përçarëse dhe grabitqare, e që unë i shoh si forca bashkëvepruese edhe pushtetin edhe opozitën”, ka thënë Maliqi.