Lenjani: Lugina merret kur kthehet në pronësi të Kosovës, toka e Karaqevës e Zahirajt

Gjilan – Presidenti po insiston ta marr Luginën kurse në fakt Kosova ende nuk e kontrollon komplet Karaqevën e Zahirajt të cilat menaxhohen nga xhandarmëria serbe. Pra Lugina merret kur mbrohen këto dy fshatra që dikur ishin pjesë e territorit të Kosovës thotë Selver Lenjani.

Selver Lenjani e sheh si shumë jo serioze idenë e Thaçit që të bashkojë Luginën me Kosovën përderisa ende Karaqeva dhe Zahirajt janë duke u menaxhuar nga Serbia. “Serbia i ka marrë padrejtësisht 400 hektar tokë Karaqevës, pra Kosovës dhe e ka marr plotësisht lagjen e Zahirijave që gjithmonë ishte pjesë e Kosovës. Atëherë cila është logjika që Lugina të bashkohet me Kosovën” shprehet Lenjani.

Lenjani thotë se pala kosovare duhet të korrigjojë kufirin duke u nisur nga këto dy konteste serioze që ekzistojnë tani e 19 vite. “Ne ende nuk jemi të lirë të jetojmë dhe të punojmë tokat tona në Karaqevë. Zahirajt janë shpërngulur të gjithë shkaku i dhunës dhe i marrjes së territorit dhunshëm Kosovës” shpreh dilemat Lenjani./rajonipress/