Lenjani: Kur heshtim ne, heshtin të gjithë

Gjilan – Selver Lenjani thotë se heshtja e kontestit kufitar me Serbinë vetëm sa i vështirëson dhe komplikon gjërat tutje. Institucionet tona e kanë shansin e fundit që ta riparojnë këtë dëm që i është bërë padrejtësisht Kosovës dhe banorëve të brezit kufitar.

Selver Lenjnai akoma vazhdon të komunikojë me letra zyrtare me përfaqësues të institucioneve qendrore, por i zhgënjyer prej tyre sepse thotë se asnjë përgjigje pozitive nuk e ka pranuar prej tyre. “Kur ne heshtim, heshtin të gjithë. Kjo nuk po më pëlqen sepse problemi kufitar në Karaqevë është nacional dhe u takon të gjithëve që ta trajtojnë me seriozitet” shprehet Lenjani.

“Heshtja e kontestit kufitar me Serbinë vetëm sa i vështirëson dhe komplikon gjërat tutje. Institucionet tona e kanë shansin e fundit që ta riparojnë këtë dëm që i është bërë padrejtësisht Kosovës dhe banorëve të brezit kufitar” u shpreh Lenjani./rajonipress/