Mbahet dëgjimi buxhetor në fshatin Krilevë, banorët kërkojnë asfaltim të rrugëve, trotuare dhe kanalizim

Kamenicë – Grupi për hartimin e Projekt-Buxhetit të Komunës së Kamenicës për vitin 2026-2028, ka mbajtur dëgjimin buxhetor me banorët e fshatit Krilevë.

Të pranishmëve u janë prezantuar punët e bëra deri më tani dhe ato që janë në proces.
Më pas grupi ka dëgjuar kërkesat e banorëve për lokalitetet e tyre, e që kishin të bëjnë kryesisht me asfaltim të rrugëve, sinjalizim rrugor, rregullim të trotuareve, pastrim të kanaleve atmosferike si dhe rregullimi i pritoreve./rajonipress/