Kushtuar valltarit të njohur të Luginës e Anamoravës, Zija Mehmeti

Teksti, muzika dhe interpretimi : Demir Krasniqi

Në moshë të vjetër 82 vjeçar –
Ka ndërruar jetë një plak i njohur valltarë !
Zija Mehmeti nga Nasalca , afër Bujanoci –
Ndër valltarë shqiptarë , nuk i gjendej shoqi !

Ai , ishte njëri nga valltarët e dalluar –
Karrierën e tij e kishte përfunduar !
Nga gjenerata e vjetër , ishte prej valltarëve ,
Të trevës shqiptare të Anamoravës !

Zija Mehmeti, që nga fëmijëria , ai djalë nane –
Ishte dhanë me shpirt pas valleve të kësaj ane !
Duke qenë edhe një talent i rrallë –
Që shquhej me mjeshtrinë e tij të rrallë !

Aty ku binte daullja , dasma hova , hova –
Agën Zija t’gjithë e njihnin si Zija Kosova !
Ishte ndër të parët që ia printe valles –
Hijeshonte gazmendet anë e mbanë mëhallës !

Është i njohur n’ treva të Gjilanit edhe mbarë Kosovës ,
Bujanocit , Luginës s’ Preshevës edhe Kumanovës !…
Me vallëzimin e veçantë , n’ Malësi t’ Karadakut –
Ku gjithmonë iu printe n’ dasma , valleve t’ merakut !

Ai, edhe n’ moshë të thyer , kur e kapluan hallet –
Kurrë nuk hiqte dorë që t’i vallëzojë vallet !
Edhe kur iu kishte dobësuar shëndeti –
Nga vallëzimi s’ ndalej , e mbante lezeti !

Gjilan, më 18.04.2021 vj.
Demir KRASNIQI