Kujtimi i Abdullah Tahirit nuk varet nga ata që sot mbajnë pushtetin për interesa të veta, lavdia e tij është më e madhe se çdo karrige politike

Gjilan – Me trishtim dhe zhgënjim të madh si bashkëvendëse e heroit Abdullah Tahiri, po e shoh se çdo vit po zbehet përkujdesja institucionale për figurën e tij madhore. Duket sikur kujtimi për të po lihet në harresë, jo nga populli, por nga ata që dikur e përdorën emrin e tij për Interesa politik ka shkruar Zaki Asllani.

Postimi i plotë:

Por ajo që dhemb më shumë si bashkëfshatare nga Malisheva, është heshtja dhe mungesa totale e reagimit edhe nga përfaqësuesit e pushtetit aktual, sidomos nga ata të Lëvizjes Vetëvendosje, që harrojnë të paktën të vendosin një kurorë lulesh apo të kujtojnë një nga bijtë më të çmuar të kësaj toke.

Kjo heshtje nuk është e rastësishme. Kjo është një dëshmi e qartë se interesimi i tyre për Malishevën dhe për dëshmorët tanë ekziston vetëm deri në ditën e zgjedhjeve.

Ta dini ne nuk harrojmë e nuk heshtim. Kujtimi i Abdullah Tahirit nuk varet nga ata që sot mbajnë pushtetin për interesa të veta.

Lavdia e tij është më e madhe se çdo karrige politike. Dhe ne, bashkëfshatarët e tij, do të jemi gjithmonë zëri i tij dhe i të gjithë atyre që dhanë gjithçka për këtë vend.
Lavdi e përjetshme heroit tonë, Abdullah Tahiri.

Turp për ata që heshtin për të.