Kosovës i mungon organizimi shtetëror dhe udhëheqja efikase, thotë Braathu

“Ajo çfarë i mungon Kosovës është organizimi shtetëror dhe udhëheqja efikase, e cila do ta zhvillojë ekonominë e vendit”, ka thënë Braathu, në një intervistë dhënë për agjencinë turke të lajmeve “Anadollu”.

Ambasadori i Norvegjisë në Prishtinë, Jan Braathu, ka thënë se Kosova si shtet ka potencial të madh për t’u zhvilluar.

“Ajo çfarë i mungon Kosovës është organizimi shtetëror dhe udhëheqja efikase, e cila do ta zhvillojë ekonominë e vendit”, ka thënë Braathu, në një intervistë dhënë për agjencinë turke të lajmeve “Anadollu”.
Lidhur me migrimin ilegal të shtetasve të Kosovës drejt vendeve të BE-së, ambasadori ka thënë se janë shumë faktorë që shpjegojnë se çfarë po ndodh dhe se papunësia nuk është arsye e vetme.

Ai sqaron se kjo dukuri nuk ka ndodhur përnjëherë.

“Kosovarët janë ngopur me korrupsion e nepotizëm dhe se aktualisht në Kosovë mbretëron bindja se çdo gjë vendoset në bazë të asaj se kë e njeh apo cilës parti i takon, varësisht nga fakti se cila parti është në pushtet dhe kjo është një nga arsyet pse qytetarët po ikin nga Kosova”, ka thënë mes tjerash ambasadori norvegjez në Prishtinë, Jan Braathu.