Kosova e mbërrin kulmin, përparon për tri pozita në renditjen e FIFA-s
RajoniPress
11:59, 24 Tetor, 2024
| 8 muaj më parë
Kombëtarja e Kosovës ka përparuar për tri pozita në renditjen më të re të FIFA-s.
Kjo njëherësh është edhe renditja më e mirë ndonjëherë e Dardanëve.
Verdhekaltrit e shohin veten në vendin e 101-të në ranglistën e përmuajshme të shtëpisë së futbollit botëror, në krahasim me pozitën e 104-t, të cilën e mbante muajin e kaluar, shkruan “Gazeta Express”.
Kosova i ka 1218.22 pikë në renditjen e muajit tetor në krahasim me 1205.96 e muajit paraprak.
Ekipi i Franco Fodës gjendet përpara Trinidad e Tobagos dhe prapa Palestinës në renditje.
Kosova vjen pas tri fitoreve radhazi në Ligën e Kombeve, një rekord për të pasi nuk kishte arritur më herët ta kishte një seri të tillë pozitive në ndeshje zyrtare.
Dardanët i shënuan dy fitore në këtë muaj, ndaj Lituanisë në udhëtim dhe kundër Qipros në shtëpi. /Gazeta Express/
