Komuna e Vitisë mbanë takim lidhur me përgatitjet rreth procesit të planifikimit buxhetor

Viti – Gjatë këtij takimi ata kanë bashkëbiseduar rreth parapërgatitjeve të komunës së Vitisë për takimet buxhetore me qytetarët vitias dhe grupet e interesit në këtë komunë por edhe rreth temës së planifikimit të përgjegjshëm gjinor.

Zv. kryetari i komunës së Vitisë, Hasan Aliu i shoqëruar nga zyrtarët komunal, Ibadete Hyseni dhe Berat Zuka kanë pritur sot në takim konsulentën nga DEMOS-i, znj. Donjeta Morina.

Gjatë këtij takimi ata kanë bashkëbiseduar rreth parapërgatitjeve të komunës së Vitisë për takimet buxhetore me qytetarët vitias dhe grupet e interesit në këtë komunë por edhe rreth temës së planifikimit të përgjegjshëm gjinor.

Me këtë rast zv. kryetari Aliu e ka njoftuar znj. Morina me punën që ka bërë komuna në planifikimin e buxhetit me qytetarët e saj gjatë viteve të shkuara, por edhe me sfidat dhe sukseset gjatë këtij procesi.

Ai po ashtu tha se komuna e Vitisë është e gatshme që të bashkëpunoj me DEMOS-in që hartimi final i buxhetit, konkretisht të listës së investimeve kapitale të jetë edhe në përputhje me kërkesat dhe nevojat që kanë qytetarët vitias./rajonipress/