Kastrati: Bekimi është shpresa e gjeneratave të reja për të ndërruar epokat e qeverisjes në Viti

Viti – Bekimi është Magjistër Shkence në inxhinieri mekanike dhe aktualisht është profesor në shkollën e mesme profesionale në Viti. Jo pse është kandidat i PDK-së, por Bekimi është shpresa e gjeneratave të reja për të ndërruar epokat e qeverisjes në Viti ka shkruar Ardian Kastrati.

Postimi i plotë i Ardian Kastratit

Për zgjedhjet lokale PDK çdo ditë po zyrtarizon kandidatët e saj me përvojë dhe të dëshmuar para qytetarëve. Sot, vendosa ta veçoj Bekim Azizin, kandidat i PDK-së për kryetar të Vitisë. Jo vetëm pse është mik , por Bekimi është njeri i kompletuar, mbi të gjitha njerëzor dhe i afërt me qytetarin e Vitisë. Bekim Azizi është i ri jo vetëm në moshë por edhe në ide. Bekimi është ish ushtar i UÇK-së dhe rrjedh nga një familje atdhetare e cila i shërbeu Kosovës në çdo kohë (të gjithë vëllezërit e tij iu bashkuan UÇK-së).

Bekimi është Magjistër Shkence në inxhinieri mekanike dhe aktualisht është profesor në shkollën e mesme profesionale në Viti. Jo pse është kandidat i PDK-së, por Bekimi është shpresa e gjeneratave të reja për të ndërruar epokat e qeverisjes në Viti. Është koha që të kalohet nga modelet e vjetra e të lodhura në modele të qeverisjes dinamike që hapin perspektiva zhvillimore për Vitinë dhe rininë e saj.

Bekim Azizi është ky shancë dhe qytetarët e Vitisë kanë pjekuri aq sa t`i tejkalojnë paragjykimet politike dhe të votojnë për njerëz me dinjitet e pa afera si Bekim Azizi./rajonipress/