Kallas: Dialogu Kosovë – Serbi me patjetër duhet të avancojë
RajoniPress
09:56, 22 Maj, 2025
| 1 muaj më parë
Kryediplomatja evropiane, Kaja Kallas, ka mbërritur mbrëmjen e sotme në Beograd, ku ka zhvilluar fillimisht një takim me presidentin serb, Aleksandar Vuçiq.
Vuçiqi ndërkaq, pas takimit, tha se dialogu është i kushtëzuar me themelimin e Asociacionit të komunave me shumicë serbe.
E Kallasi para se të mbërrinte në Beograd shkroi në X, ku tha se dialogu Kosovë – Serbi me patjetër duhet të avancojë.
“Tani është koha për riangazhim”, shkoi Kallasi.
Shefja e diplomacisë evropiane të enjten do të qëndrojë në Kosovë.
Kallasi do të takohet me përfaqësues të partive politike dhe organizatave të shoqërisë civile. Bëhet e ditur se ajo do të mbajë një konferencë për shtyp në Shtëpinë e Evropës, të enjten, më 22 maj në orën 15:45, transmeton Klankosova.tv.
“Përfaqësuesja e lartë Kallas do të vizitojë Misionin e Bashkimit Evropian për Sundimin e Ligjit në Kosovë (EULEX). Ajo do të takohet gjithashtu me komandantin e KFOR-it, Enrico Barduani”.
Ndërsa, pas Prishtinës, ajo vazhdon vizitën në Shkup, ku do të takohet me kryeministrin e Maqedonisë së Veriut, Hristijan Mickoski. Një konferencë e përbashkët për shtyp është planifikuar për më 23 maj.
