Kadriu: Le të bëhemi shembulli më i mirë për gjeneratat e reja

Gjilan – Le të bëhemi shembulli më i mirë për gjeneratat e reja. Pranimi i tjetrit, pavarësisht bindjeve fetare, politike, kombëtare, le të ngulitet thellë në mendjet dhe zemrat tona ka shkruar Rexhep Kadriu.

Postimi i plotë i Rexhep Kadriut

Rexhep Kadriu Të dashur qytetarë të besimit Islam,
Sonte, muaji i shenjtë Ramazan shënon fundin. Ramazani, ky rit shumëshekullor për shpirtin e besimtarit, paraqet forcën e brendshme, kthjellon mendjen dhe farkëton edhe më shumë besimin tek Krijuesi i gjithësisë. Është muaji që shton solidaritetin, dashurinë për njëri-tjetrin.

Dora e zgjatur ndaj atyre që kanë më së shumti nevojë gjatë këtij muaji, dashuria për njëri-tjetrin, duhet të vazhdoj tutje dhe të bëhet pjesë e pandashme e jona përgjatë tërë vitit, përgjatë tërë jetës. Le të bëhemi shembulli më i mirë për gjeneratat e reja. Pranimi i tjetrit, pavarësisht bindjeve fetare, politike, kombëtare, le të ngulitet thellë në mendjet dhe zemrat tona.

Gjithë juve që keni agjëruar, i Plotëfuqishmi ua pranoftë këtë sakrificë!
R. K