Ilir Tahiri tregohet modest, i liron vendin Shefik Surdullit

Gjilan – Ilir Tahiri i cili ishte bartës i listës së PDK-së në zgjedhjet lokale, ndonëse ka fituar dhe është i pari në listë, ai ka vendosur që vendin t`ia lirojë Shefik Surdullit që aktualisht është sekretar i degës së PDK-së dhe i papunë.

Postimi i plotë i Ilir Tahirit

Faleminderit për votën që e keni dhënë për Partine Demokratike. Unë si bartës i listës është ditë prej fillimit që fitoj në garën për asamble, por humbja e PDK-se, nuk mban me u ni mirë, me festu, ani pse në listën ku figuron emri im janë 7.350 vota.
Gjithmonë kam qenë i gatshëm me qenë pjesë e listës së PDK-së për asamble, edhe në këto zgjedhje, nuk kam hy në garë si bartës i listës, prej fillimit jam deklaru se do të jem në listë, pavarësisht renditjes, kryesia e degës me propozim të Elisah Ymerit, ka vendos që unë të jem bartës i listës. Në 2007 kam qenë në listë dhe kam fitu bashkë me PDK, në 2013 kam humb bashkë me PDK-në.
Unë e liroj pozitën e asambleistit, dhe në vendin tim shkon sekretari i degës z. Shefik Surdulli, i cili pas humbjes së zgjedhjeve të PDK-së në vitin 2013 e kishte liru edhe vendin e punës në komunë, dhe prej vitit 2013 është i pa punë.
Gjithashtu, edhe në rast të ndonjë koalicioni të PDK-se, me partinë fituese në këto zgjedhje, unë nuk do ta pranoj asnjë pozitë ka shkruar Ilir Tahiri./rajonipress/